منو
بیز قالدیق
یئتیشدی غئیری عاشیقلر وصالِ یارا بیز قالدیق
خلایق چاره تاپدی دردینه، بیچارا بیز قالدیق
یانان پروانه لرتک روز و شب اودلارا بیز قالدیقهامی اؤز سئودیگی معشوقه سیله شاد کام اولدو
رقیب بی مروتلر فرحنا ک اولدو عالمده
سئویب جانانی، حسرت طرهٔ طرارا بیز قالدیق
کئچیردیک تیر نازین سینه دن هر ماه روخسارین
یئنه بی مهر چیخدی، طعنهٔ اغیارا بیز قالدیق
محبت گولشنینده بیر گول ا کدیک، زحمتین چکدیک
صفاسین اؤزگه‌لر گؤردو، جفای خارا بیز قالدیق
بوتون دیوانه لر، واحد، کمندیندن خیلاص اولدو
یئنه اول زولفه باغلی متصل، آوارا بیز قالدیق