منو
من قالدیم!
یئتیشدی غئیرِ عاشیقلر وصالِ یاره، من قالدیم
خلایق چاره تاپدی دردینه، بیچاره، من قالدیم
هره اؤز سئودیگی معشوقه سیله شادکام اولدو
یانان پروانه‌لر تک روز و شب اودلارا، من قالدیم
رقیبِ بی مروتلر فرحناک اولدو عالمده
همیشه زار و حسرت طرهٔ دلداره، من قالدیم
کئچیردیم تیرِ نازین سینه دن هر ماه روخسارین
یئنه بی مهر چیخدی، طعنهٔ اغیاره، من قالدیم
زمانِ عؤمرده بیر گول یئتیردیم، زحمتین چکدیم
صفاسین اؤزگه‌لر گؤردو، جفای خاره، من قالدیم
بوتون دیوانه لر، واحد، کمندیندن خیلاص اولدو
یئنه اول زولفه باغلی روز و شب آواره، من قالدیم