منو
نه ملاحتلی سسین وار
زولفون کیمی، ای گول، نه عطیرلی نفسین وار
یوخسا بو لطافتله جان آلماق هوسین وار؟
روحوم دیریلیر، ناز ایله هر دم کی، گولورسن
حئیرتده یم، ای گول، نه ملاحتلی سسین وار!
طاووس کیمی آزاده گزیریسن بو چمنده
بولبول کیمی نه خار غمین، نه قفسین وار
فریادینا یئتدیکلرین ایمدادیوا یئتمز
فیکر ائتمه، بو عالمده، کؤنول، دادرسین وار
واحد،منیم ایستکلی گؤزل یاریما بنزر
آختار بوتون عالمده، گورک هانسی کسین وار