منو
نزاکت اؤزگه دیر
ای کؤنول، سن سئودیگین اول نازلی آفت اؤزگه دیر!
بولبولِ شیدایا گولزارِ لطافت اؤزگه دیر!
عاشیق و معشوق مست اولموش خیالِ وصل ایله
بارگاهِ عشقده، ذؤق خلا فت اؤزگه دیر!
دهرده دیدارِ یارایله ظرافت ائتمه‌دیم
اهلِ عشقه کویِ جاناندا شرافت اؤزگه دیر!
قورموشوق بیز بو ضیافت مجلیسین بیر شؤق ایله
اینجه لیک، مین نازنین صحبت، ظرافت اؤزگه دیر!
خلقیمیز یوزلرجه مجلیسلر، ظیافتلر گؤروب
ان گؤزل، قیمت لی، ان عالی ضیافت اؤزگه دیر!
نازنینلر بیر طرف، بیر یاندا رندِ مئی پرست
بیر اشاره عارفه ائیلر کفایت، اؤزگه دیر!
ظن ائدیردیم گؤرمه دن، واحد، نزاکت اهلیسن
آنلادیم گؤرجک سنی، اهلِ نزاکت اؤزگه دیر!