باشقادیر

ای کؤنول، عشق عالمین سئیر ائت، بو عالم باشقادیر
کیم، بو عالمده مسرت باشقا، ماتم باشقادیر!
دم غنیمتدیر، دئمیشلر، بیر گول اوزلو یارایله
همدم اول، مئی جامین الده توت کی، بو دم باشقادیر!
من نئجه ابرولارا ماهِ محرم سؤیله ییم
بو قیلینجلار باشقادیر، ماهِ محرم باشقادیر!
کیم دئسه گیسویِ پرخم زولفونه، دیوانه دیر
عشقده زنجیر باشقا، زولفِ پرخم باشقادیر!
کویونا گلمزسه زاهید، وجهی وار، معذور دور
اول کی، جنت وار، دئمیشلر، اوندا آدم باشقادیر!
قطره ـ قطره تر دوزولموش روُیونا، شبنم دئییل
پربها دوردانه دیر، گول اوزره شبنم باشقادیر!
شعردن بحث ائتمه، واحد، بیزده دونیا گؤرموشوک
شعرده آذر(١) کیمی اوستادِ اعظم باشقادیر!

١٩١نجو عصرین سونلاری و ٠٢ نجی عصرین اوللرینده
یاشامیش غزل شاعیری، مشهدی آذر حاجی محمدزاده.