یاشاسین صلح!

ای کؤنول، سئوائله جانانی، گول اندام اولسون
سؤزو شیرین، اؤزو بیر شوخِ دلارام اولسون
هر گؤرنده سنه مستانه گولوشلرله باخان
بو نزا کتله او بیر فتنهٔ ایام اولسون
اولاسان اووچوسو دایم ائله رعنا گؤزلین
سنه آهو کیمی هردن اؤزوده رام اولسون
بوندان آرتیق دا سعادتمی اولار عاشیق اوچون
یاری هم مجلیس، الینده مئیِ گولفام اولسون!؟
بو گؤزل مجلیسیمیز، روحاغیدا موسیقی دیر
ساکیت ا گلشمه لی، قوی موسیقی اتمام اولسون!
کاما یئتمک لیگه قویمور منی کویوندا رقیب
خلقی نا کام ائله ین کس اؤزو ناکام اولسون!
یاری اغیارایله گؤرجک، دئمه، فریاد ائله مه
گول اولا خارایله، بولبول نئجه آرام اولسون!
ائلیمیز شاددی، وطن ده گونو ـ گوندن آباد
یاشاسین صلحو سئونلر، هامی خوش کام اولسون
قورخما، عشق عالمی،آخیر سنی بدنام ائتسه
گرک عاشیق لیک ائدن دهره بدنام اولسون
واحد، ایسترسن ا گر، موسیقی دن ذؤق آلاسان
مجلیسینده هم ابوالفتح(١)، همی بهرام(٢) اولسون!

١مغنی ابوالفتح علی یئوو. ٢تار چالان بهرام منصوراوو.