انتقام آلیر مندن!

فلک بوکوب بئلیمی، انتقام آلیر مندن
عدونو گؤر کی، بو حالتله کام آلیر مندن
منیمله دائم او کس لر، کی هم پیاله ایدی
نه جام لطف ائدیر ایندی، نه جام آلیر مندن
غورورا مایل اولور بعضی همدمِ ناقص
نه بیر سلام وئریر نه بیر سلام آلیر مندن
سورون کی، نئیله‌میشم من او مهرسیزملکه!
نه وارسا صبر و قراریم، تمام آلیر مندن
نظام گردشِ چرخین، نظام دان دوشسون
نظامِ عشرتیمی، بی نظام آلیر مندن
منیم بو حالیمی گوردوکجه، شاد اولور دشمن
سانیر قصاصه تاتیپدیر، مقام آلیر مندن
متاعِ شعرله، واحد، همیشه خوشحالم
وطن اوغولاری شیرین کلام آلیر مندن(١)

١مصرع بو شکلیده ده قئید اولموشدور:
وطن جوجوخلاری شیرین کلام آلیر مندن