منو
غربتده
فلک سالیبدی منی یوز جفایه غربتده
گره کدی صبر ائله مک هر بلایه غربتده
اولوبدو تیره گونوم حسرتینده اول ماهین
گئجه – گوندوز گلیرم آه و وایه غربتده
نئدیم، نه چاره قیلیم، اولموشام بلایه دوچار
شکسته دل قالیب حسرت دوایه غربتده
حقیقی یوخدو منه آشنا، سورا حالیم
دئییم بو دردیمی اول آشنایه غربتده
نه واخت دیر، منه گلمز اول یاردان نامه
واریمدی، گر ائله سم مین گلایه غربتده
ایلاهی، کؤنلونو شاد ائت غریبِ بی وطنین
طفیلی ائیلهمه مردی گدایه غربتده
خدایا، واحدی لطفونله تئز یئتیر وطنه
کی، یارسیز دؤزه بیلمز جفایه غربتده(١)
١غزل اورتا آسیادا یازیلمیشدیر.