منو
ائدیردی گون حیاسندن!
فلک ایستر سالا دایم، منی، ای مه، جدا سندن
اولورمی، چکسین ال عاشیق، دیٔ بیر، ای مه لقا،سندن؟
جهانی رؤشن ائیلردی جمالِ ماهِ روخسارین
گؤروب رویونو چیخمازدی، ائدردی گون حیاسندن
دوشنده یادیما، ای مهوشِ سیمین بدن، اول دم
چکردیم نشئهلر افزون منِ بختی قارا سندن
اسیب بونجا پریشان ائیلهمه سن زولفِ جانانی
شکایت ائیلرم حقه من، ای بادِ صبا،سندن
جفایِ خاردان بولبول چکیب یوزمین بلا گرچی
منیم تک گؤرمهمیش هئچ کیم قسم، ای گول، بلا سندن
دم اورما عشقدن، واحد، کئچن عشاق ایمیش عاشیق
اولوب آرتیق، اولار بو دردِ عشقه مبتلا سندن