باغریم قان اولوب!

فرقتیندن، ای لبی غنچه، بو باغریم قان اولوب
عادتیم بولبول کیمی شام و سحر افغان اولوب
چون ایکی سرچشمه دیر، جانا، دو چشمیم، قیل یقین
قورخوم اولدور، غرق اولام، از بس آخیب عمان اولوب
آتش آهیم صداسی چولغاییب صحرالری
آه و ناله مدن فلک مدتدی، سرگردان اولوب
حدّی اولماز عشقده همتا اولان صنعان منه
قیس و فرهاد، آه و ناله مدن منیم پنهان اولوب
سن مه. اوج وجاهتسن، سنه یوخدور زوال
وصلینه یئتسم، چتین جان وئرمه گیم آسان اولوب
واحدی سالما، آماندیر، چشمدن، ای ماهرو
نئچه مدتدیر قاپیندا چون، سنین دربان اولوب