منو
فلاطون گؤزیله باخ
دایم جمالِ دلبره مفتون گؤزیله باخ
عشق عالمینده لیلییه مجنون گؤزیله باخ
لاقید باخما زولفونه بو دلربالارین
اولما اسیری، بونلارا شبخون گؤزیله باخ
رنجِ خوُماردان منی قوُرتاردی گؤزلرین
بغضاً طبیبِ عشقه فلاطون گؤزیله باخ
عبرتله دینله چنگ و روبابین صداسینی
شرعاً بو کفردور، دئمه، قانون گؤزیله باخ
دهرین جفاسینا، غمینه قیلما اعتنا
باخما کدرله عالمه، ممنون گؤزیله باخ
اؤز عصرینین محیطینه هر کیم یاناشماسا
تئز محو اولوب کئدر، اونا مدفون گؤزیله باخ
واحد همیشه عشق، محبّت اسیریدیر
مجنونِ عصردیر، اونا وورغون گؤزیله باخ