منو
گول غنچه ده قالماز
دایم بو گؤزللیک اوجفا پیشه ده قالماز
تند اولسا، آخار قانی مئیین شیشه ده قالماز
شیرین سؤزون، اول لاله روخین گر گؤره فرهاد
داغی چالار اؤز باشینا، بیر تیشه ده قالماز
بیر ذرّه ا گر مهرینی گؤرسه یدیم او ماهین
اؤلسم ده نه غم، روحوم او اندیشه ده قالماز
مشگانلاری قانلار ایچر، اول مردمِ چشمین
کیم دئر کی، اثر برگه یئتر، ریشه ده قالماز
واحد، بو غزلدور کی دئییب گنجه لی شؤقی:
(( گل غنچه ده، سؤز قلبده، مئی شیشه ده قالماز))