منو
گول اوزره شاله کیمی!
داغیتما گول اوزه زولفون آی اوزره هاله کیمی
شرابیدن بیر اثر وار لبینده لاله کیمی
قیزارمیش عارضینه تر عجب گؤزل یاراشیر
نه یاخشی گؤرسه نیر، ای گول، گول اوزره شاله کیمی!
لبین خیالی ایله کاش مجلیسِ مئی ده
گزه ایدیم الدن اله بیر سینیق پیاله کیمی(١)
گؤره نده قامتینی گؤز یاشیم اولور جاری
چمنده پایینه سروین آخان شلا له کیمی
پیاله م الده سؤز آچیلدی لعلیندن
منی بو نئشئه گؤتوردو مئیِ دو ساله کیمی
هوای عشق ایله گویا کی، بیر شکسته نئی م
سیزیلداییر بدنیم هر نفسده ناله کیمی
حدیثِ زولفونو واحد، هاچان کی شرح ائله‌دیم
اؤزاندی مسئله مجلیسده بیر رساله کیمی
١مصرع بو شکلیده ده قئید اولموشدور:
گزه ایدیم الدن ـ اله بیر قیزیل پیاله کیمی.