گئتمه گؤزومدن اویانا

دئمه، ای گول، اؤلرم گئتمه گؤزومدن اویانا
گرگ عاشیق دؤزوب هرجؤرونه یارین دایانا
عالم عشقده قانون محبت بئله دیر:
بولبول حسرت گوله، پروانه گرک اود دا یانا
من ده هیجران غمینی، قسمت اولا، چکدیررم
سنین او گول اوزنه کؤنلومو حسرت قویانا
عاقبت آتش آهیمله رقیب اود توتاجاق
اؤز جزاسین چکه جک، قاچسا الیمدن هایانا
بیر مبارز ایگیدم، قویمادیم، اغیاری، گولوم
جنّت کویونا یول تاپسین، او گوندن بویانا
یار ایچون عاشیق اودور شؤقله جاندان گئچسین
کیم وفا بسله یه جک دوستونا جان قویمایانا؟
سن ده، واحد، وطن اغروندا چالیش مرد کیمی
اینجه قلبینده بؤیوک حس محبّت اویانا