واحد غزل یاز!

ای ظلم ائوی، تئز محو اولاجاقسان تملیندن
اؤلادِ بشر قوُرتاراجاق قانلی الیندن
آرخانجا سوئت سونگولری باش – باشا چاتمیش
گویا خبرین یوخدور هله اؤز اجلیندن؟
تاریخ گله جک نسله سنی گؤستره جکدیر
نفرت یاغاجاق نامینا ضرب المثلیندن
قان یاش تؤ کور آوروپا، بوتون ماتمه باتمیش
جئینندی جهان اهلی بو مردارعملیندن
مین لرجه بشر نسلی قالیب یوردونا حسرت
مین فاجعه باش وئردی بو جنگ و جدلیندن
نامردلیگینی خاقا ثبوت ائیله دین آخیر
ذاتاً، ائله سن خاین ایمیشسن ازلیندن
واحد، وطن اوغروندا محبتله غزل یاز
دؤیدوقجا کؤنول لذت آلا هر غزلیندن