ناز ائله مه

ای غنچه دهان، ناز ائله مه، ائومی ییخارسان
اندامِ لطیفین گونه وئرمه، سولوخارسان
جؤر ائتمک ایله عاشیقِ بی کسلره، ظالیم
فیکر ائیله‌مه کی، آخیری بیر یانه چاتارسان!
قویما، گولوم، اغیاری اولا وصلینه محرم
نازیکدیر او اینجه بدنین، تئز سینیخارسان
بیر یول بیزیم اطرافادا هردن، گذر ائیله
یالقیز، گؤزلیم، ائوده اوتورما، داریخارسان
قان اولدومی، ای گول اوزونو ایسته‌دیم اؤپمک؟
نازیکدی دئدین، قلبیمی اینجیتمه، سیخارسان
واحد، دوشون، اؤز قدرینی، چوخ اولما مئی آلود
آخیر رهِ میخانه ده بیر گون بویوخارسان(١)

١بویوخماق= حئیرتلنمک، کاریخماق، ال ـ آیاغینی ایتیرمک.