منو
عجب ماجراده یم!
ای قارا گؤزلو، زولفون الیندن بلاده یم
بیر درده دوشموشم کی، بو گونله صباده یم!
آغلاتدی خالقی گؤز یاشیم احوالِ زاریمه
بیر یول سوروشمادین کی، نه محنت سراده یم
ای بیوفا، بو حالیما بیر قیلمادین نظر
عشقینده متصل گئجه گوندوز جفاده یم
هر یاندان اوستومه تؤ کولر طعنه داشلاری
مرد عاشیقم کی، گؤرنئجه یالقیز آراده یم!
بیر یان رقیب طعنه سی، بیر یان سنین غمین
بیلمه م، نه سیرّدیر بو، عجب ماجراده یم؟!
نذیر ائمیشم، یولوندا گر ک جان فدا ائدم
اولسون قسم او جانانا، بو ادعاده یم
واحد، صفای عالمی وئردیم بوتون سنه
عؤمروم قوتاردی، من دخی راهِ فناده یم