بو گئجه

ای کؤنول، ائیلمه بولبول کیمی افغان بو گئجه!
سن گره کدیر، اولاسان گول کیمی خندان بو گئجه!
بیز بو شادلیق گونونو فخرایله تبریک ائدریک
گؤستریر عاشیقه اؤز لطفونو جانان بو گئجه!
گول اوچون بولبولِ شیدا نییه فریاد ائله سین
ذؤق و شؤق ایله صفالاندی گولوستان بو گئجه!
شعرا اهلینه تاریخی گؤزل گوندور بو
قدر ایله یئتدی مکافاتا سلیمان(١) بو گئجه!
اوتوز ایل لیک، بو عزیز شاعیره قیمت وئریلیر
یئری ورا، فخر ائله سه آذربایجان بو گئجه!
خلقیمیز هر گز اوُنوتماز بو شرافتلی گونو
بیزه گؤستردی بو خوش طالعی دؤران بو گئجه!
هامینین قلبی سئونج ایله، فرحله دولودور
بو بؤیوک حؤرمته حئیران قالیر انسان بو گئجه!
یاشاسین علم و معارف، یاشاسین صنعت و شعر
گولدو اؤز نورو ایله چهرهٔ عرفان بو گئجه!
نه اولار، واحد، ا گر مجلیسیمیز سا کیت اولا
بیر نئچه شعر اوخوسون زولفو(٢) ایله خان(٣) بو گئجه!
١خالق شاعیری، سلیمان رستم. ٢مُغنی زولفو آدی گؤزل اوو. ٣مُغنی خان شوشینسکی. ـ