گؤزل مجلیس

ای کؤنول، وار بو ضیافتده شرافت بو گئجه
بیر گؤزل نؤرس اوچوندر بو ضیافت بو گئجه
خلقیمیز غصه و غمدن اوزاق اولسون یارب
بو صفا مجلیسینه ائتمه سین آفت بو گئجه
توپلاشیب بیر یئره دوست آشنا، هامی خاطیری شاد
گول، دانیش صبحه کیمی ائیله ظرافت بو گئجه
موسیقی ذؤق وئریر روحونا پشمرده لرین
تاپاجاق دردینه هر شخس شفاعت بو گئجه
یوسیفِ مصر، ساییرسان کی، زولیخایه گؤره
قوردوروب عزّت ایله خطِ خلافت بو گئجه
اولمامیش بیر کسه دونیادا میّسر بئله توی
هامی شادلیقلا اولور مجلیسه دعوت بو گئجه
بو گؤزل مجلیسه بیر شعر یازارسان، واحد
سن ده گؤسترمه لیسن خلقه نزا کت بو گئجه