جسارتله شعر یاز!

ای شوخ نازنین، نه گؤزلدیر ملاحتین!
هئچ کس اسیری اولمایا بیر سن تک آفتین!
هر عاشیقین کی، جنّتی گؤرمک خیالی وار
گؤستر جمالینی، گؤزلیم، وار لیاقتین
یارب، بو مجلیس اهلینی شاد ائیله هر زمان
غمدن خیلاص قیل، اوزو گولسون جماعتین
اولسون همیشه عیش ایله عشرتله خلقیمیز
قالدیر، ایلاهی، شأنینی بو ولایتین!
هر بیر کس اؤز رفیقی ایله سا کیت ا گله شیب
گولمکده دیر، شرافتی وار بو ضیافتین
اولسون او گون کی، توی ائله یک نوجاوانلارا
شادلیقدا کئچسین، ای کؤنول، ایامِ فرقتین
اهلِ ریا بهشتی سئویر، کویِ یاری بیز
بوندان گؤزل نه عالمی وار باغِ جنّتین؟!
بیر یاندا اهلِ موسیقی، بیر یاندا اهلِ ذؤق
ای خلق، دائمی یاشاسین بؤیله عادتین
واحد، وطن یولوندا جسارتله شعر یاز
خلقین یانیندا یوکسله جکدیر شرافتین!