نه بیلیم؟!

خوبلار صحبتی عشاقه جفامیش، نه بیلیم!
اُلفت ائتمک او گؤزللرله خطامیش، نه بیلیم!
گونومو تیره قلیب ماه لقالر ستمی
کؤ کبِ بختیم ازل گونده قارامیش، نه بیلیم!
قولِ زاهیدله قیلیب ترکِ مئی و میخانه
مئیده دیل نشئه سی، مسجدده نوامیش، نه بیلیم!
ساندیم اول شوخی وفا اهلی، جفا قیلدی منه
خوبلار عادتی عشاقه جفامیش، نه بیلیم!
کؤنلومون مولکونه قیلدیم او پری چهره نی شاه
واحد، اول شوخ گدا اوغلو گدامیش، نه بیلیم؟!