بو نه عالم دیر

خمیده قاشلارین فیکریله، ای مه، قامتیم خم دیر
منه ابرو لارین محرابی، مسجددن مقدّم دیر
دوشوبدور آتشِ روخسارین اوزره زولفِ پرچینین
کی، گویا گنجِ حُسن اوسته یاتیب شاهمارِ ارقم دیر
منی گاه اؤلدورور نازین، دیریلردیر گاه گفتارین
مگر عیسی بن مریم سن، نیگاریم، بو نه عالم دیر
گؤروب لعلِ لبین، مئی شیشه سین سیندیردی ساقیلر
نئچون؟ عشق اهلینه لعلِ لبین مئی دن مکرم دیر
بو حُسنیله، نیگاریم، سن ملک سن، یا پریچهره؟!
اونا آدم دئمک اولماز، سنه دئرکی، بو آدم دیر
منی هیجران اودون یاندیریب گَل ائتمه خاکستر
فراقین آتشی عشق اهلینه نارِ جهنم دیر
سالیبسان واحدی کویوندان آیری، بیلمزم وجهین
ولی بیگانه لر، مندن سوا، اول بزمه محرم دیر