منو
وطن حؤرمت ایله!
خوشا اول عاشیقه کیم، عؤمر ائدر محبت ایله
حیاتینی کئچیرر ذؤق و عشق و لذّت ایله
نیگاریم اولسا منیمله، کئچر حیاتیم خوش
منیم نه ذؤقوم اولاردی بهشت و جنّت ایله!؟
معارف عصری دئییر ائل بیزیم زمانه میزه
معارف ایله وارام، یوخ ایشیم جهالت ایله
بیریسی یئرلرین آلتین، بیری سماء دا گزیر
مسخّر ائیلرییر بیر عالمی جسارت ایله
چالیش، سعادتینی ایسته دایماً خالقین
سنینده خوش کئچر عؤمرون وطنده حؤرمت ایله
بو شعر، دوستلوغا بیر اتحافدیر، واحد!
همیشه لیک قالا گول تک سؤزوم لطافت ایله