روزی رسان قدرت

سندن، گؤزلیم، کؤنلوم او گوندن نیگراندیر
بیر کیمسه ده سورمور، بو نه فریاد و فغاندیر
روسوایِ جهان اولماسا، عشق اهلی تانینماز
عاشیقلره روسوالیغی، بیل نام و نشاندیر
یار اولماسا، گولشنده، باهارین نه صفاسی؟
بولبوللره، گول اولماسا، هر یئرده خزاندیر
من سئودیگیمی گؤرسن ا گر، سن ده سئوه رسن
عالم اونو هر یئرده دئییر: سئومه لی جاندیر!
ایسترسن ا گر دلبرین ال چکمه یه سندن
آند ایچ اونا شیرین دیل ایله، تئز ایناندیر
اؤز سئوگیلینین شمعِ روخون عالمه گؤستر
پروانه للرین عشق اودونا قلبینی یاندیر
واحد، دوشون اؤز قدرینی، نامرده ا گیلمه
گؤز دیک ائله بیر قدرته کی، روزی رساندیر