منو
خلقین خئیر خواهی!
سنسیز سماء ده اولسا ملک لرله اُلفتیم
یئتمم مرادا، اونلارا گر اولسا رغبتیم
مهرِ روخونا باغِ حیاتیم صفالانیر
آه ائیلرم می، وصلین ا گر اولسا قسمتیم؟
اینجیتسه فرقتین منی، صبریم توکنسه ده
شؤق روخونلا وصلینه آرتار محبتیم
سنسیز انسیم حوری اولا، مایل اولمارام
راهِ وفادن هر گز ا گیلمز طبیعتیم
آفت می، نشئه می، نه بیلیم سیرّ عشق می؟
فتح ائیله‌میش بو کؤنلوم ائوین، یوخ فراغتیم
اولماز بشرده سن کیمی بیر نازنین نگار
حوریمسن، ملکمیسن، ای نازلی آفتیم؟
واحد، همیشه خلقیمیزین خئیر خواهییام
گئتدیکجه، گون به گون چوخالیر قدر و قیمتیم