بابک یادگاری!

سن، سئوگیلیم، بو حُسن ایله ائللر نیگاریسان!
اودلار دیارینین گؤزلی، شهریاریسان!
الهام آلیر جمالینی گؤردوکه ائل سنین
خلقین سئویملیسی، وطنین افتخاریسان!
دیز چؤ کسه حاقلیدیر سنه دونیا گؤزللری
بابک لرین، کوراغلولارین یادگاریسان!
بولبول سنینله شوره گلیر،گول صفالانیر
سن بیر حیات گولشنی نین نو باهاریسان!
بیلمم، نه سیرّدیر، هامینین عشقی ورا سنه؟
خلقتده سن زمانه میزین بختیاریسان!
تاریخه باخ، گؤزللر اولوب هر زمانه ده
سن ده بیزیم زمانه میزین گول عذاریسان!
واحد، بو قارا گؤزلو یامان مست ائدیب سنی
عالم آییلدی، سن هله عشقین خوُماریسان!