منو
نرگیس جادو!
سن نظردن سالماسایدین، ای هیلال ابرو منی
دامِ عشقه بونجا سالمازدی یئتن مهرو منی
گؤز یاشیم آخدیقجا، آرتار سوزِ عشقیم سینه ده
یوخدور اومیدیم، خلاص ائتسین بو اوددان سو منی
اینجه لیب زولفون خیالیله وجودوم اؤیله کیم
تارِ زلفیندن حساب ائیلر گؤره ن بیر مومنی
بیلمه دیم، قیلدیم نظر اول زولفِ عنبر فامینا
سئحرله سالدی کمنده نرگیسِ جادو منی
مجلیسِ مئی ده نیگاریم آچدی مشکین زولفونو
بیلمه‌دیم مئی نشئه سی مست ایتدی، یا کیم بو منی؟(١)
من اسیرِ زولفونم، آنجاق جمالین سئومیشم
فکر قیلما، ایسته ییر وصلمدن اؤترو بو منی
گؤرمه ینجه گول اوزون، واحد، او شهلا گؤزلونون
ساکت ائتمز نه چمن سئیری، نه بیر آهو منی
١مصرع بو شکلیده ده قئید اولموشدور:
بیلمه‌دیم مئی نشئه سی مست ایتدی، یا کیم جو منی؟