منو
باشا دوشدوم!
سن ناز ایله بیر سؤز دئدین، ای جان، باشا دوشدوم
اغیارا اولان مئیلینی پنهان، باشا دوشدوم
قلبینده نه لروار، اونو بیگانه دوشونمز
گؤرجک سنی، ای سئوگیلی جانان، باشا دوشدوم
مجنون ائدن عشق اهلینی کیمدیر، نه بیلیردیم
زولفون کی سحر الدو پریشان، باشا دوشدوم
گؤردوکده زنخدانینی بیلدیم کی، او یوسیف
اولموش نه اوچون لایقِ زندان، باشا دوشدوم
دردِ غمِ هیجرانه چتین لیک یئری یوخموش
بو مشکلو گولمک قیلیر آسان، باشا دوشدوم
گؤل اوزلو گؤزل بیر صنمین اولدوم اسیری
بولبول کی، ائدیر ناله و افغان، باشا دوشدوم
سوردوم، ساغالان درد دئییل عشق بلاسی
اؤلکمدیر اونون چاره سی آسان، باشا دوشدوم
واحد، ا گر اومید وصال ائیله‌مه سه یدیم
ییخمیشدی منی محنت و هیجران، باشا دوشدوم