راضیام ایلاهیمدان!

گناهیم اولسادا، چوخ راضیام ایلاهیمدان
کئچر، اومید ائدیرم، عاقبت گناهیمدان
جهاندا سهو و خطا ائتمه ین گؤرک کیمدیر
منیم ده قورخوم اولار نامهٔ سیاهیمدان
یامان گونده پناهیم وفالی دلبردی
نئجه اومید الیمی من اوزوم پناهیمدان؟!
وصاله رغبتیم آرتیر چکنده هیجر غمین
خیلاصِ یول دیلرم اؤز اومید گاهیمدان
گؤل اوزلولر من اؤلر کن مزارا قویسا منی
محبت عطری دویارلار گول و گیاهیمدان
غمین کی هیجرِ گونو دادخوهیم اولدو منیم
اؤلونجه راضی لیغیم وار او دادخواهیمدان
کؤنولده سئوگیلی گیزلی ساخلادیم، واحد
بو سیرّی بیلدی بوتون خلق اشک و آهیمدان