منو
اوجانستان گلمز!
گؤزه تلرم یولونو، یارِ مهربان گلمز
رقیبه یار اولوب اول مه لقا، گمان گلمز
قرار و صبریمی الدن آلیبدیر هیجرانی
گئجه صباحه کیمی ائیلرم فغان، گلمز
قیلیبدی ترکِ وطن دلبریم غریب آسا
کی، غربت اؤلکهلر ایچره ائدیب مکان، گلمز
او گول وصالینا حسرت قویوبدور عاشیقینی
ائدیب فراق ایله بو گؤز یاشیم روان، گلمز
جفا داشیلا ائدیبدیر خرابه کؤنلوم ائوین
بو مولکو ائتمگه آباد، او جانستان گلمز
نه قورتاریر منی غمدن، گلیب نه جانیم آلیر
ایلاهی، باشیمین اوسته او جان آلان گلمز
جفایِ دلبره، ای دل، همیشه صبر ائیله
نه گلسه، عاشیقه معشوقدن، زیان گلمز
بو درد و عصه الیندن شکسته واحدینی
خیلاص ائمگه اول شاه مهوشان گلمز