منو
اهلِ حال اولسون!
گؤزل، مشکل سنین تک بیر نفر صاحب جمال اولسون
چتین کی، بو قارا گؤزلر، بئله خط ایله خال اولسون
دیشین اینجی، لبین غنچه، گؤزوندور نرگسِ شهلا
بو نعمت لر سنین واردیر، بشرده بو محال اولسون
قیلیب پر نور دونیانی گونش گؤی اوزره، ای مه رو
اوزون نورون اونا گؤستر، گوره ن تک انفعال اولسون
خیالِ سهو ائدیب،ای مه، قاشین محرابه بنزه تدیم
خمیده قاشلارین تک، حاشالله، بیر هیلال اولسون
او زولفه شانه وور آخیر، پریشان ائیله سونبول تک
دلِ عشاق ایسترسنسه گر آشفته حال اولسون
کیمین زولفونه، واحد، اعتماد ائتدیم، کؤنول وئردیم
جهاندا گؤرمه‌دیم بیر یار من تک اهلِ حال اولسون