منو
ائیلر
گؤزل وار، مین سؤزه معنا وئره، بیر یول سؤال ائیلر
گؤزل وار، بیر سؤزه عجیز قالیر، یوزمین خیال ائیلر
جهانین بؤیله دیر اوضاعی، قانونِ طبیعتدیر
کی، اوّل قالدیریر اعلایه، سونرا پایمال ائیلر
فقط ا کسیمک ایله یوکسه لر، تکمیل اولور انسان
فلک هر آی باشیندا بیر ایکن ماهین هیلال ائیلر
تعجب ائتمه نورسلر تمنایِ وصال ائتسه
منیم ده پیر اولان کؤنلوم تمنای، وصال ائیلر
پرستیش ائتمز عالیقدرلر ادنایه واحدتک
ا گرچی احتیاج آسلانلاری تولکو خیصال ائیلر