خلقیمین منوّری یم!

گؤزل دئسن، گؤزله م من، پری دئسن پری یم
منی سئون ایگیدین من سئویملی دلبری یم
منیم همیشه یئریم پاک اولان کؤنوللدیر
بیلیکده، ایشده، لیاقتده دیللر ازبری یم
سلاحیم الده منیم علمدیر، معارفدیر
آزادلیق ائللرینین قهرمان بیر عسگری یم
شرفلی، سئوگیلی یوردوم سووه تلر ئولکه سیدیر(١)
گونشدن آلنی آچیق خلقیمین منوّری یم
ال آتسا جبهه مزه دشمنین گوزین اووارام
فاشیسته ضربه چالان مردایگیدبرابری یم
منیمله پارالایاجاق گنج نسلی یوردوموزون
بو گونکو عصریمیزین من ایشیقلی اولکلری یم
قانادلانیب اوچارام نازنین سمالرده
آیین گؤزللیگی، اولدوزلارین دا زیوری یم
منیم سعادتیم اؤز خلقیمین سعادتیدیر
بو بختیار وطنین من ده ناز پروری یم
همیشه عشقده بولبول، گولون فداسی اولور
وفالی دلبریمین من ده بیر سمندری یم

١مصرع بو شکلیده ده قئید اولموشدور:
شرفلی، سئوگیلی یوردوم گوزه للر ئولکه سیدیر