زولفون شانه سیز قالسین!

گؤروم، ای بیوفا، زولفون همیشه شانه سیز قالسین
اوجانلار مشکینی اغیارسیز، بیگانه سیز قالسین
جمالین شمعینه قوی من یانیم، اغیاری یاندیرسن
شبِ هیجرانی گؤرسون، شمع سیز پروانه سیز قالسین
ا گر اول زولفه مندن غئیری بیر عاشیق کؤنول وئرسه
بو زنجیرِ جنون، یارب، گؤروم، دیوانه سیز قالسین
منیم افسانهٔ عشقیمله ایندی ذؤق آلیر عالم
گرک فرهاد و مجنون شهرتی افسانه سیز قالسین
منی محروم ائدن گول اوزلولر جامِوصالیندان
ایچیب اؤز باغرینین قانین، مئی و میخانه سیز قالسین
عداوتله کؤنول پیمانه سین سیدیرما، ای ضالیم
روا گؤرمه، محبت خانه سی پیمانه سیز قالسین
منی اول نازلی جاناندان آییرماق ایسته ین، واحد
منیم تک مین بلا چکسین، گؤزل جانانه سیز قالسین