منو
آهو کیمی!
گؤرمه‌دیم بیر ظلم ائدن اول دلبرِ بد خو کیمی
کیم تؤ کر عشاقلر قانینی هر گون سو کیمی؟
آغلارام بولبول کیمی بیر گولروخون هیجرینده من
آخار اول سروین آیاغیندا سرشکیم جو کیمی
دام قورموش زولفله یاریم منه صیاد تک
ایستر اول دامه اسیر ائتسین منی آهو کیمی
اول هیلال ابرولارین فکریله، ای دل، روز و شب
اینجه لیب ضعف آلدی جسمیم فرقتینده مو کیمی
نئیلرم، آیینه یه من باخیم عکسیم گؤرمگه
یاریمین روخساری اولموشدور منه گوزگو کیمی
دودِ آهیم گؤیلره چخمیش شرارِ آه ایله
کؤ کب بختیم قارالمیش اول سیه گیسو کیمی
چکرم ال، واحدا، من دامنیندن یاریمین
چون غلامِ کمترم اول شاهیمه هیندو کیمی