منو
حئیران قالدیم!
گؤردیم اغیارایله، ای گول، سنی، حئیران قالدیم
گؤزلرین فیکرینی ائتدیکجه، پریشان قالدیم
اولدولار اؤزگه‌لر عشقینده بوتون خاطیرجمع
بیرجه من حسرتِ زونفونله نیگاران قالدیم
کامه یئتدی چمنِ وصلین ایله بیگانه
یئنه من بولبولِ شیدا کیمی نالان قالدیم
شمعِ روخسارین اودو ائیله‌دی پروانه منی
گئجه لرصبحه دک آتشلره سوزان قالدیم
شادام اوندا هله بیر دینه مقید دئییلم
من بو عالمده نه کافر، نه مسلمان قالدیم
سئودیگیم دلبره هر باره ده صادق چیخدیم
دوغرولوقلا وطنه، خالقا نگهبان قالدیم
عشقه صرف ائیله‌میشم، هر نه متاعیم وارایدی
ایندی طعن ائیله‌مه، واحد، نییه عریان قالدیم