منو
عقل و کمالی وار!
عالم سئویر او شوخی کی، حُسن و جمالی وار
من ایسترم او دلبری، عقل و کمالی وار
مستانه گؤزلرین نه گؤزل، مهربان باخیر
لاکن غریبه گیزلی جان آلماق خیالی وار
وئرمیش ایلاهی گؤر نه گؤزل قاش و گؤز سنه
نه بیر برابری، نه اونون بیر میثالی وار
هر دلبرین اسیری اولوب دوشمه عشقینه
چک امتحانا، بلکه حارامی، حالالی وار
چوخلار سنین گؤزللیگی نین حسرتین چکیر
سن تک جهاندا هانسی نیگارین جلالی وار
واحد، او نازنین گؤزلی کیم کی، ایسته ییر
وصلِ نیگارا یئتمگه چوخ احتمالی وار