منو
عینی وفا
باللهی، وفاسیز دئمک اول شوُخا جفادیر
یوز دفعه منه قیلسا جفا، عین وفادیر!
مشکِ ختن اولماز سرِ زولفون کیمی خوشبو
هر کیم دئسه چین زولفونه گر مشک، خطادیر!
منع ائیله‌مه عشق اهلینه میخانه نی، زاهید
میخانه منیم روحیم اوچون دارِ شفادیر!
کیمدیر دئدیم، آشفته قیلان زولفونو ای مه؟(١)
نطقه گلیب اول شوخ دئدی: باد صبادیر!
واحد یاناجاقسان بیلیرم، نارِ فراقه
ویردین داخی بوندان سورا آه ایله نوادیر!
١مصرع بو شکلیده ده قئید اولموشدور:
کیمدیر دئدیم، آشفته قیلان زولفِ سیاهی؟