او زولفِ سوسنه من!

اینانمیشام، گؤزلیم، خالق ایچینده بیر سنه من
زمانه بولبولویم، عاشیقم او گولشنه من
من عارفم، بیلیرم، نه باخچانین گولوسن
ا گر چی چوخدان اسیرم او زولفِ سوسنه من
تامام بو عالمی گر چکسن امتحان داشینا
خیالینا گلرم، قلبی صاف چیخان یئنه من
آلار قرارینی الدن، اینانما هر گؤزله
وفاسی اولمایاجاق، قوی دئییم بونو سنه من
ایتیرمه گل بو کیچیک شعری، واحدین سؤزودور
اؤزون ده بیر دنه سن، ساخلا یاددا، بیردنه من