منو
بیر نشانه گرک!
اینانمایایدیم، ازه لدن او جان آلانه گرک
اونو سئوینجه بو کؤنلوم دؤنه یدی قانه گرک!
عبث دیر، ایندی او شوخه. دئسن وفاسیزدیر؟
اونو ازلده چکه یدین بیر امتحانه گرک
من عاشقم دئمه تا. یانمایینجه عشق اودونا
حقیقی عاشیق اولان کسده بیر نشانه گرک
باخاندا نازیله مین فیتنه قالدیریر چشمین
بو فتنه نی، یاتیران. مردمِ زمانه گرک
اسیرینم، دئدیم، ای گول ایناندی گؤز یاشیمه
وصاله یئتمک اوچون الده بیر بهانه گرک
نیگارینی سئون عاشیق فراقه صبر ائیلر
باهاری ایسته سه بلبل، دؤزه خزانه گرک
بیزیم زمانه نی، واحد، گول اوزلولر بورودو
همیشه ائتمه لی، بولبول کیمی. ترانه گرک!