منو
جانانیم اولا
ایسترم من او گولو، اؤز گولِ خندانیم اولا
اودا اؤز کؤنلونو وئرسین منه، جانانیم اولا
تکی جانان ایله بیر یئرده گونوم خوش گئچسین
آرزو ائیله مرم باغ و گولوستانیم اولا
قییمایان جانینی، عاشق دئییل اؤز یاری اوچون
من فدا ائیله یرم یاریما مین جانیم اولا
گونده یوز یول ائدرم جانیمی قربان او گوله
اودا بیر یول دولانیب باشیمه قوربا نیم اولا
بو پری چهره‌لرین بیرجه گؤزللیک لری وار
سئومرم هئچ بیرین، الده گر ایمکانیم اولا
نئیله ییم کؤنلومه، بیر قویمادی آسوده منی
گؤروم، ای کاش کی، ویران. دلِ سوزانیم اولا
واحد، هر شوخه ایناندیمسا، وفاسیز چیخدی
بو گؤزللرله منیم. حشرده دیوانیم اولا