پنهانی سئویر

بختیار عاشیق اودورکی، اونو جانانی سئویر
بینوا بولبولونو، اؤز گولِ خندانی سئویر
من او زولفون آزی یوز دفعه بلاسین چکدیم
ده لی کؤنلوم یئنه اول زولفِ پریشانی سئویر
اعتبار اولماز اؤزون گؤسترن عاشیقلرده
احسن اول عاشیقه جانانینی پنهانی سئویر
عصرِ حاضرکی، گؤزلیکلری گؤرمور زاهید
ایندی جهلینی گؤر، روضهٔ رضوانی سئویر
سئویرم من او نزا کتلی گؤزل دلبری کی
موسیقی علمینی، رسامی، غزلخوانی سئویر
پیر کؤنلوم گلیر الهامه گؤره رکن هردن
بیر نجابتلی گؤزل قیز گؤزل اوغلانی سئویر
واحدین اووچولوغو اولسادا، انصافی دا وار
اؤز کمندینده دوچار ائتدیگی جئیرانی سئویر