منو
ائله ین!
گل، ای فراقی، منی زار و بی قرار ائله ین
بلالی باشیمی یوز غملره دوچار ائله ین
قویا جمالینا حسرت همیشه عاشیقینی
رقیبه یار اولوب، ای عاشیقین کنار ائله ین
وفالب عاشیقینم، گؤرمورم وفا سندن
هانی سنین کیمی بیر ظلمِ بی شمار ائله ین
بلای عشقه دوشوب تیره روز اولمازیدیم
سیاهِ طره لریندیر گونومو تار ائله ین
گزردیم اول سرِ کویوندا اختیارم ایله
یوخ ایدی کیمسه قاپیندان منی کنار ائله ین
آماندیر، بیرده، کؤنول، یارا اعتبار ائتمه
خیالِ سهو ائدیب اونلارا اعتبار ائله ین
شرابِ عشقینی واحد ایچیب ده مست اولموش
تعجبم کی، اونو یوخدور هوُشیار ائله ین