منو
سئوگیلیم!
گول سنه اولماز لطافتده برابر، سئوگیلیم(١)
سن اؤزون بیر نازنین گولسن سراسر، سئوگیلیم
گؤرنه ماهر جان آلاندیر گؤزلرین مردم لری
گیزله نیب کیپریکلرینده قانلی خنجر، سئوگیلیم
چکدی سرویندن خجالت، باغبان قدّین گؤروب
گؤزلرین بیماری اولدو نرکسِتر، سئوگیلیم
گول اوزون گؤرمک تمناسیندادیر ائللر سنین
حسرتین چکمکده دیر رعنا گؤزللر، سئوگیلیم
عصریمیزده نازنین، زیبا گؤزللر آز دئییل
گلمه‌میش بنزر سنه عالمده دلبر، سئوگیلیم
یوسیفی سئومیش زولیخا، حاقلی دیر، حاقسیز دئییل
گر سنه یوزلرله یوسیف اولسا چا کر، سئوگیلیم
تانری محروم ائتمه سین بیر نازلی یوسیفدن سنی
چونکی اولموش یوسیفِ کنعانه مادر، سئوگیلیم
بیر ثواب ائت، گول اوزون گیزلتمه اهلِ عشقدن
قوی دئسین لر قدرته مین،آفر(٢)، سئوگیلیم
بیلمیرم، بوت سن، ملک سن، یا مسلمانزاده سن
گؤرسه گفتارین، گلر ایمانه کافر، سئوگیلیم
نازنین سن، مه لقاسن، خوبروسان، هر نه سن
اول فقط انسان پرست، اولما ستمگر، سئوگیلیم
یوز کره عشق آتشیله یانسا، خوشدور واحده
اصلینی هر گز اوُنوتماز اهلِ آذر، سئوگیلیم
١بو غزل ((سئوگیلیم)) ردیفی یئرینه ((راحیله)) ردیفی ایله
اؤنجه وئریلیمیشدیر.
٢آفرین .