منو
دیدهٔ گریانیمیزا
گولسه هر کیمسه، بیزیم دیدهٔ گریانیمیزا
دوشسون عالمده، گؤروم، حالی پریشانیمیزا
عشق چوخ، دلبر. بی مهره اسیر ائتدی بیزی
بیری رحم ائیلمه‌دی ناله و افغانیمیزا
دوست ساندیق، گؤروب هر شوخو، بلاسین چکدیک
دوشمن اولدی، یئنه،آخردا بیزیم جانیمیزا
ذؤق آلار عشقده بیزدن، گؤٕروب احوالیمیزی
هانسی درد اهلی ا گر گلسه بیزیم یانیمیزا
زولف زنجیرینه عقلیله اسیر اولمامیشیق
عشق دیوانه سی ییک، باخما بو نقصانیمیزا
گَلدی گول فصلی، بیزی ساقی نظردن سالدی
پیرِ میخانه گرگ دیر باخا دیوانیمیزا
دم غنیمتدی مئی ایچ،بدرینی(١)، واحد، باشاسال
بیر علاج اولسا، او دور دردِ فراوانیمیزا
١شاعیر، سیدزاده بدری.