منو
راحیله!
گول سنه اولماز لطافتده برابر، راحیله
سن اؤزون بیر نازنین گولسن سراسر، راحیله
گؤر نه ماهیر جان آلاندیر گؤزلرین مردوملری
گیزله نیب کیرپیکلرینده قانلی خنجر، راحیله
چکدی سرویندن خجالت، باغبان قدّن گوروب
گؤزلرون بیماری الدو نرگیسِ تر، راحیله
گول اوزون گؤرمک تمناسیندادیر ائللر سنین
حسرتین چکمکده دیر رعنا گؤزللر، راحیله
عصریمیزده نازنین، زیبا گؤزللر آز دئییل
گلمه‌میش بنزر سنه عالمده دلبر، راحیله
یوسیفی سئومیش زولئیخا، حاقلیدیر، حاقسیز دئییل
گرسنه یوزلرله یوسیف اولسا چاکر، راحیله
تانری محروم ائتمه سین بیر نازلی یوسیفدن سنی
چونکی اولموش یوسیف کنعانه مادر، راحیله
بیر ثواب ائت، گول اوزون گیزلتمه اهلِ عشقدن
قوی دئسنلر قدرته مینلرله آفر، راحیله
بیلمیرم بوت سن، ملک سن، یا مسلمان زاده سن
گورسه گوفتارین، گلر ایمانه کافر، راحیله
نازنین سن، مه لیقاسان، خوبروسان، هر نه سن
اول فقط انسان پرست، اولما ستمگر، راحیله
یوز کره عشق آتشیله یانسا، خوشدور واحده
اصلینی هر گز اوُنوتماز اهل آذر، راحیله
باکی ٨۵٩١.