منو
پایدار اولسون
گؤزلیم، پریشان ائتمه زولفونو
گونش تک گول اوزون قوی آشکار اولسون
ائللر جمالینی گؤرمه یه گلسین
دوست، آشنا سئوینسین، دوشمان خوار اولسون!
نغمه‌لر یوکسلسین کاشانه لردن
باده‌لر سوزوسون پیمانه لردن
قالماسین بیر اثر بیگانه لردن
ائلیمیز، گونوموز بختیار اولسون!
اوره کدن سئویره م، سئوگیلیم، سنی
طالع بیزیمله دیر، ازدیک دوشمنی
جان کیمی قورویاق عزیز وطنی
تاریخلر بویونجا یادگار اولسون!
سعادت یولوندا بیز جاندان گئچدیک
بو گون عشقینه باده‌لر ایچدیک
وطن ایسته ین اوغول لار سچدیک
اونلار یوُردوموزا هوادار اولسون!