منو
گؤزلسیز شهر اولماز!
ای گول، منی سن ایسته سن، عؤمروم هدر اولماز
صلح اولماسا، اؤولادِ وطن بخته ور اولماز
آزادلیقی، صولحو سئویرلر بیزیم ائللر
بیر یئرده کی، صولح اولسا، او یئردن ضرر اولماز
اودلار وطنین، نازلی گؤزللر بورویوبدور
ائللرده مثل وارکی، گؤزل سیز شهر اولماز
آهیم اودو، بلکه، ائله سین قلبینه تأثیر
نیسان سویونو ایچمه سه، داشدان گؤهر اولماز
هجران گئجه سی، من چکه نی چکمه سین اغیار
ظننیم جه، قیامت گونو بوندان بتر اولماز
زولفون اوزونو توتسادا، گویچک لیگین آرتیر
ظلمت گئجه‌لر اولماسا، آیدین سحر اولماز
واحد، سنه، غم چکمه، رقابت ائدن اولسا
مین گؤل قووشا بیر یئره، بحرِ خزر اولماز