چوُلغاییب دونیانی افغانیم منیم!

خیلی واختدیر، آیریلیب مندن او جانانیم منیم
فرقتیله گونده مین دفعه چیخیر جانیم منیم
آغلارام من بولبولِ شیدا کیمی شام و سحر
سولدوروب بادِ خزان باغِ گولوستانیم منیم
چون اولوب مجنون صفت، مسکن منه کویِ نیگار
چوُلغاییب دونیانی یکسر، آه و افغانیم منیم
راضییام، خنجر قاشیلا یاریم اؤلدورسون منی
قوی توُکولسون یار الیله، دهرده قانیم منیم
زولفِ پرخم تک اولوبدور قامتیم خم متصل
وار سجودِ خاکِ راهِ یارا پیشانیم منیم
واحدا، گلمه فغانه، یوخدور عشقین چاره سی
ناله ائیلر عشقدن، قلبِ پریشانیم منیم