منو
باهاره چکر
منی گؤره ن کیمی یاریم اوزون کنارا چکر
کناره نازایله بیگانه نی دوبار چکر
نه سؤز دئدیم او گوله، مندن انجییب کئتدی
بیزیم باراشماغیمیز یئنگی ایل باهارا چکر
او قارا خاللاری یاریم یئنه دوزوب اوزونه
فلک نئجه گونون اطرافینا ستاره چکر
بو عشق مجلیسینی (( شور)) ه ایسته سک گتیرک
او ((راست)) پرده‌لرین تارزن ((قاطاره)) چکر
بیر آزدا ذؤقه گلیب سا کیت اولسا مجلیسیمیز
اینان کی، موسیقیمیز دوزصاباح ناهاره چکر
منیم اؤز ایسته دیگیم نازنینلرین عکسین
طبیعتین الی یوزلرله ماه پاره چکر
گؤرنده شمعِ جمالین بو ماه پاره لرین
وجودوم عشقده پروانه تک شراره چکر
او لاله اوزلویه، واحد، نه پیسلیک ائیله‌میشم؟
منیم بو سینه مه غم داغین آشکاره چکر